9:10 AM
මෑතකදී මා එක්සත් අරාබි එමීර් රාජ්‍යයේ සංචාරය කරන විට ව්‍යාපාරිකයෙක් වශයෙන් එම රටෙහි අතිසාර්ථකත්වය ලබා සිටින ශ්‍රී ලාංකිකයෙක් හමු විය. ඔහු මා සමග බොහෝ කුළුපග වුණු අතර ඔහු මෙරට හැර ගියේ අසු අට අසූ නමය භීෂණ යුගයේ බැව්ද පැවසීය. එකල තරුණයෙක් වශයෙන් හිස් අතින් ඒ රටට පාතැබු ඔහු අද දහසින් බැඳි පියළි මත යන්නට තරම් ධනවතෙකි. ඔහුත් සමග බෙහෙවින් මිත්‍රවු මා ඔහුගෙන් නැවත ලංකාවට එන්න අදහසක් නැත්දැයි විමසුවෙමි. එවිට ඔහු පැවසුවේ මා තෘෂ්ණිම්භූත කරවන ආකාරයේ පිළිතුරකි. එනම්
ඔහු: අපට මේ රටේ දී තියෙන නිදහස ලංකාවේ නැහැනේ!
මම: ඒ ඇයි?
ඔහු: ලංකාවේ පගාව නැතිව මොනවද කරන්න පුළුවන්? හැමදේටම පගා දෙන්න ඕන. මේ රටේ නම් අපට නීත්‍යානුකූලව කරන ඕන දෙයක් බාධාවක් නැතිව කරගන්න නිදහස තියෙනවා. ඒක ලංකාවේ නැහැ.
ඔහු මෙසේ කී පසු නැවතත් ඔහුට ලංකාවේ ජීවත් වන්න එන්න කියා ආරාධනා නොකළේ මටත් එවැනි අමිහිරි අත්දැකීම් ඕනෑ තරම් ඇති නිසාය.
එහිදී මට ආරංචි වු තවත් පුවතක් නම් ලංකාවේ නමගිය තේ අපනයන සමාගමක් වන අහමඩ් ටී සමාගම විසින් ලංකාවේ ආරම්භ කිරීමට නියමිතව තිබුණු තේ ඇසුරුම් ව්‍යාපෘතියක් දැන් එක්සත් අරාබි එමීර් රාජ්‍යයේ ආරම්භ කරන්නට කටයුතු කරන බවයි. අහමඩ් ටී යනු ලංකාවේ පිටරටට අපනයන කරන්නන් අතර ප්‍රමුඛතම නාමයකි. ලංකාවේ පිටතට යන මෙම ව්‍යාපෘතිය ඩොලර් මිලියන 200 ක් පමණ වේ යැයි ආරංචි මාර්ග සඳහන් කරයි. මීට කලින් ලංකාවේ දැවැන්ත තේ අපනයන සමාගමක් වන අක්බාර් තේ සමාගමද කිසියම් බලවේගයක් කප්පම් ඉල්ලීම නිසා තේ වෙන්දේසි වර්ජනයක යෙදුනි.
අහමඩ් ටී ව්‍යාපෘතිය වෙනතකට යාමට හේතුවද ඩොලර් මිලියන ගණනක අල්ලසක් බැව් මට ආරංචි විය. අහමඩ් ටී විසින් දැනටමත් ඔවුන්ගේ ඇසුරුම් කර්මාන්තශාලාව එක්සත් අරාබි එමීර් රාජ්‍යයේ ඉදිකෙරෙමින් පවතියි. අන්තර්ජාලයේ සිටින ඊනියා දේශප්‍රේමීන්ගෙන් මා ඉල්ලා සිටින්නේ ඇත්තටම රටට ආදරය කරන අයවළුන් නම් මේ ක්‍රියාවන් වලට එරෙහිව හඬ නගන ලෙසයි.
මෙම ලිපිය කියවීම ගැන මාගේ ස්තුතිය ප්‍රකාශ කරන අතරම මේ ලිපිය සම්බන්දව ඔබට සිතෙන දේ පහත ප්‍රකාශ කරන මෙන් ඉතා කරුණාවෙන් ඔබගෙන් ඉල්ලා සිටිමි. ඔබගේ අදහස් මම ඉතා අගය කොට සලකන අතර ඉදිරි ලිපි වලට එය මට මහත් රුකුලක් වනු ඇත. මෙයට (කතෘ සජිත් දිල්හාන්)
May 29, 2012
Subscribe to:
Post Comments (Atom)
0 comments:
Post a Comment
අතන මෙතන ඇහෙන ගොසිප් එසැනින් දැනගන්න පිවිසෙන්න.